கோவை – சென்னை வந்தே பாரத் எக்ஸ்பிரஸ் நேர அட்டவணை

சென்னை மற்றும் கோவை இடையிலான வந்தே பாரத் எக்ஸ்பிரஸ் ரயில் நேர அட்டவணை வெளியாகியுள்ளது.

பிரதமர் மோடியின் கனவு திட்டங்களில் ஒன்றான வந்தே பாரத் எக்ஸ்பிரஸ் ரயில் சேவை நாட்டின் பல்வேறு நகரங்களில் பயன்பாட்டிற்கு கொண்டு வரப்படுகின்றன. இதுவரை 10 வந்தே பாரத் எக்ஸ்பிரஸ் ரயில்கள் அறிமுகம் செய்யப்பட்டுள்ளன. இதில் தமிழ்நாட்டிற்கு சென்னை – மைசூரு இடையில் ரயில் சேவை கிடைத்துள்ளது. இந்த ரயில் காட்பாடி, கே.எஸ்.ஆர் பெங்களூரு ஆகிய இரண்டே நிறுத்தங்களில் மட்டும் இரு மார்க்கங்களிலும் நின்று செல்லும்.

vanthebharath

தமிழ்நாட்டிற்கு இரண்டாவது ரயில் சேவையாக சென்னை மற்றும் கோவைக்கு இடையில் வந்தே பாரத் எக்ஸ்பிரஸ் ரயில் அறிமுகம் செய்யப்பட உள்ளது. இதற்காக சென்னை வரும் பிரதமர் மோடி வரும் ஏப்ரல் 8ஆம் தேதி கொடியசைத்து ரயில் சேவையை தொடங்கி வைக்கிறார். இந்த ரயில் சேவையின் நேர அட்டவணை தற்போது வெளியாகியுள்ளது.

சென்னை மற்றும் கோவைக்கு இடையில் திருப்பூர், ஈரோடு, சேலம் என மூன்று நிறுத்தங்கள் மட்டுமே இடம்பெற்றுள்ளன. மொத்தம் 495.28 கிலோமீட்டர் தூரத்தை 6 மணி நேரம் 10 நிமிடங்களில் ரயில் கடக்கும். அதிகபட்ச வேகம் மணிக்கு 80.31 கிலோமீட்டர் ஆகும். இந்த ரயில் வாரத்தில் புதன்கிழமை தவிர மற்ற நாட்களில் இயங்கும். தினமும் கோவையில் காலை 6 மணிக்கு புறப்படுகிறது.

கோவை டூ சென்னைரயில் நிலையங்கள்சென்னை டூ கோவை
6.00 (புறப்பாடு)கோயம்புத்தூர்20.30 (வருகை)
6.30/6.40திருப்பூர்19.43/19.45
7.17/7.20ஈரோடு19.02/19.05
8.08/8.10சேலம்18.03/18.05
12.10 (வருகை)சென்னை14.20 (புறப்பாடு)
திருப்பூருக்கு 6.30க்கு வருகை புரிந்து 6.40 மணிக்கு புறப்படுகிறது. இதையடுத்து ஈரோட்டிற்கு 7.17 மணிக்கு வந்தடைந்து 7.20 மணிக்கு புறப்படும். சேலத்திற்கு 8.08க்கு வந்து 8.10 மணிக்கு புறப்படும். இறுதியாக சென்னைக்கு 12.10 மணிக்கு வந்து சேரும். மறுமார்க்கத்தில் சென்னையில் இருந்து பிற்பகல் 2.20 மணிக்கு வந்தே பாரத் எக்ஸ்பிரஸ் ரயில் புறப்படுகிறது. சேலத்திற்கு 6.03 மணிக்கு வந்து 6.05க்கு புறப்படும்.

தெற்கு ரயில்வே அறிவிப்பு

ஈரோட்டிற்கு 7.02க்கு வந்து 7.05 மணிக்கு புறப்படும். திருப்பூருக்கு 7.43 மணிக்கு வந்து 7.45க்கு புறப்படும். இறுதியாக கோவைக்கு இரவு 8.30 மணிக்கு சென்றடையும். இதுதொடர்பாக தெற்கு ரயில்வே சார்பில் வெளியிடப்பட்டுள்ள செய்தியில் மேற்குறிப்பிட்டவை தோராயமான நேர அட்டவணையே எனக் குறிப்பிடப்பட்டுள்ளது. எனவே ரயில் சேவை பயன்பாட்டிற்கு வந்ததும் சிறிய அளவில் மாற்றங்கள் வரலாம்.

more news click here

Leave a Reply

Your email address will not be published. Required fields are marked *